نكت مغربية قحة للزوار الأوفياء لمدونة محيط المعرفة:
1- واحد السيد مشى مع مراتو للسينما، واشترى شيبس، مراتو قالتلو ذوقني، عطاها حبة شيبس، وهي تقول له زيدني، قال لها: على مكلخة راه كاملين عندهم نفس المذاق.
2- المعلمة سولات واحد التلميذ: واش عاوناتك ماماك فالتمارين؟ 
قال ليها: لا دارتهم بوحدها.
عالم النكت المغربية بامتياز
عالم النكت المغربية بامتياز
3- واحد قال لصاحبو: أنا كنشف للبنات الحلق.
قال ليه صاحبو كيفاش؟ قال ليه اللي هضرت معها كتدفل عليا 
4- واحد السيد كان غادي ولقا مرايا طايحة، هزها وشاف فيها ولاحها فالارض، وقال مع راسو لو كانت زوينة كاع ما يلوحوها ماليها.
5- واحد الأستاذ ديال الانجليزية سول تلميذ: الى بغيتي تقول لشي واحد آجي لهنا أش تقول ليه؟ جاوبة التلميذ نقول ليه كام هير.
وقال ليه الاستاذ وإلى بغيتي تقول ليه يرجع لبلاصتو آش تقول ليه؟ قال ليه نجري لبلاصتو فين كان ونقول ليه كام هير.
6- واحد التلميذ سول الاستاذ ديالو: واش ممكن شي تلميذ يتعاقب على شي حاجة مادارهاش؟ قال ليه الاستاذ: لا 
قال ليه التلميذ: إيوا راه مادرتش التمارين.
7- واحد محشش شاف بلاكا مكتوب فيها: مزرعة أبقار.
دخل يسول مول المزرعة: كيفاش كتزرعوا البقر؟ مول المزرعة بغا يتفلا عليه قال ليه كنرشو السكر فالارض وكينبت البقر.
مشى المحشش يزرع البقر ورش الارض بالسكر وفالصباح لقا الارض عامرة بالنمل وقال: ياحليلي على البقر ملي كيكون صغير شحال زوين.
8- المرا: أشنو وقع؟ الراجل جاوبها من الحمام: لا والو غير التريكو طاح. 
لمرا: ولكن داكشي لي سمعت راه تقيل. الراجل: إيه راه حيت كنت فالتريكو.
9- واحد مشا يشري صباط. سولو مول المحال شحال كتلبس فرجليك
قال ليه جوج فردات.
10- واحد السيد على فراش الموت وبغا يقول لولادو شي حكمة
جمعهم كاملين وقال ليهم كل واحد يجيب عصا ويهرسها كلهم هرسوهم وهو يقول ليهم دابا كل واحد يجيب خمسة ديال العصي وحاولو تهرسوهم. حتى واحد ما قدر إلا الولد الكبير، قال ليه جيب عشرة ديال العصي وحاول تهرسهم، مشى الولد الكبير جابهم وهرسهم. قال ليه سير جيب ثلاثين وحاول تهرسهم، مشى جابهم وهرسهم.
وهو يقول ليهو الأب: ماحد معكم هاد البهيمة ما تخافو حتى من شي حاجة.




التعاليق

أحدث أقدم